A Festa do Queixo de Arzúa, declarada Festa de Interese Turístico de Galicia, celébrase coincidindo coa primeira fin de semana de marzo.
Dende 1975, cada primeira fin de semana de marzo, o queixo e a cultura son os grandes protagonistas en Arzúa. A festa e a vila transfórmanse nunha espiral de eventos gastronómicos, musicais, culturais, artesáns, tecnolóxicos, tradicionais e innovadores.
O produto estrela é o queixo Arzúa-Ulloa, que en 1989 recibiu a categoría de Produto Galego de Calidade e goza dunha Denominación de Orixe Protexida propia. Comparte espazo no recinto feiral coas outras denominacións de orixe galegas, con queixos artesáns e con outros queixos de diferentes puntos de España e do resto de Europa.
A filosofía do festival pretende conxugar gastronomía e cultura, achegando o queixo a nenos e mozos con diferentes actividades. Unha delas é a organización da Festa do Queixo con dous días de música para todos.
+ info: www.festadoqueixo.org